Ninja izateko arreta, adorea eta duintasuna behar dira. Nik ez dut horietatik pitin bat ere. Baina onena naiz! Kondairak dio galmenaren zingiratik harantz, infernuko sumendiak zeharkatu eta txurro-saltokian ezkerrera biratu eta berehala, Zanpa-Tu tenplua zegoela. Toki misteriotsu eta zakarra zen, eta planetako ninjarik hilgarrienak han entrenatzen ziren. Haien senseiak, Ukabilko buru nagusiak, benetan itxura misteriotsua zuen, eta baita suntsiezina eta betierekoa zelako ospea ere.Haren ikasle aldrebesenaren istorioa da hau, KURURO ninjarena! Kururo bideo-jokoen, lo-kuluxken eta matxinaden zale amorratua da, abileziarik eta diziplinarik gabeko gazte buruarina, hutsaren hurrengoa. Hala ere, bere ekintzak gogoangarriak izango dira. (Horixe naiz ni, ejem, ejem,egundoko ninja. Irakurri eta ikusiko duzue!).
