Galaxia recupera na súa colección Memoria unha parte moi importante do labor xornalístico de Blanco Amor. Artigos en "La Nación" inclúe unha escolma das crónicas publicadas polo autor d´A Esmorga entre 1929 e 1936 no diario arxentino La Nación, un testemuño privilexiado da Galicia daquel tempo. O Diario La Nación era unha das cabeceiras máis prestixiosas da República Arxentina naquela época. Nel Blanco Amor publicou unha serie de crónicas arredor de temas políticos e culturais, amais das que dedicou ás súas viaxes por Galicia, entre elas a reportaxe sobre a súa famosa travesía a bordo do pesqueiro Norita, que logo tamén daría pé ao seu Poema en catro tempos. A prosa literaria de Blanco Amor adáptase perfectamente ao formato xornalístico sen perder riqueza nin orixinalidade, conservando tamén a "tensión do oficio" propia dos medios de comunicación.
![ELLAS [TAMBIÈN] CUENTAN](https://static.serlogal.com/imagenes_small/9788416/978841679470.jpg "ELLAS [TAMBIÈN] CUENTAN")
